Jai parekideen kanpaina «oso positibotzat» jo dute
IRUŃEA
Aurtengo udan hainbat auzo, herri eta hiritan jai parekideen alde egin duten kanpaina «oso positibotzat» jo du Bilgune Feministak. «Emakumeek gero eta gehiago hartzen dugu parte festen antolakuntzan eta ekimenetan», adierazi dute adierazpen baten bidez.
Alor horrez gain, jaietako eduki eta eraso sexistei dagozkienak ere landu nahi izan ditu erakunde feministak aurtengo udan, eta horietan txanponaren bi aldeak ikusi ahal izan dira. Batetik, «programak aztertu eta ekimen baztertzaileak alboratuz» aurrerapausoa egon dela adierazi dute, «batez ere elkarlana egindako txosna eta festa batzordeetan». «Txanponaren beste aldea eraso sexistak eta hauen inguruan sortzen den sekretismoa suertatu zaizkigu», gehitu dute, ez baita lortu ez gertaera ezta salaketa kopuruaren berri ere jakiterik.
|
