DONOSTIA

�Konstituzioa eta Legea eskuan izanda ere, guztiz posible da politikan berrager daitekeen ezker abertzalea legalitatean aritzea, agerraldi biolento guztiengandik aldendua�, esan zuen Gipuzkoako PSEren idazkari nagusi Miguel Buenek. Haren desira ere datozen hauteskundeetan ezker abertzalea Batzar Nagusietan eta udaletxeetan ordezkatua egotea dela adierazi zuen, baina horretarako eman beharreko pau- soak Batasunari dagozkiola gaineratu zuen.

�Bakea ez da Konstituzioaz edota Estatutuaz ahanztea�, esanez jarraitu zuen Buenek ahaldun nagusiari erantzun nahian. Izan ere, haren aburuz, euskal herritarren erabakiak errespetatzea Zuzenbideko Estatuaren joko arauak errespetatuz egin behar da.

EB: �Argi-ilunez beteriko unea�

�Batasunaren legeztatzea demokraziaren teilatuan� jarri izana egotzi zion PSEko bu- ruzagiak Gonzalez de Txabarriri. Haren esanetan, ezker abertzaleari dagokio �garai politiko berrietara irekitzea�, baita bere legeztatzearen inguruan eman beharreko pausoak ematea ere.

�Euskadiko garai politiko berria eta bere eszenatoki berriak ezin daitezke eraiki beste garai bateko politika egiteko balio izan zuten material zaharkituekin eta higatuekin�, nabarmendu zuen.

Bestetik, Ezker Batua-Berdeak taldeko eledun Patxi Coiraren aburuz, �argi-ilunez beteriko une itxaropentsua� da egungoa, eta �mehatxuen eta indarkeriaren amaiera� eta Alderdien Legearen deuseztatzea aldarrikatu zituen bere hitzaldian.

Aralarrek ere hartu zuen hitza arratsaldeko tartean, eta I�aki de Juana presoaren egoera gogora ekartzearekin batera, Gobernu espainolak indarrean duen espetxe politika alda dezatela eskatu zuen. �Arduraz� jokatzeko eskatu zion, gainera, ETAri.