«Eskubideen zozketa» salatu dute Soraluzen
·Alokairuzko etxebizitzen parke publikoa eskatu zuen Elkatzenek, alokairuan bizi direnen diru-sarrerei egokitua
SORALUZE
Atzo 34 etxebizitzaren zozketa egin zuten, eta etxeen banaketa politika horren kontra azaltzeko protesta egin zuen Elkartzenek. «Eskubideak ez dira zozkatzen», salatu zuten eskubide sozialen aldeko plataforma hori eratzen duten elkarteek, eta gehiago eraiki beharre- an alokairuzko etxebizitzen parke publikoa eskatu zuten, alokairuan bizi direnen diru-sarrerei egokituta betiere.
Lakuak babes ofizialeko pisuen gainean egiten duen politika arbuiatu zuten, kanpoan uzten dituelako gutxieneko diru-sarreretara iristen ez direnak ere: «Ezin dugu onartu politika publikoek baliabide gutxien dituzten pertsonak kanpoan uzterik», aldarrikatu zuten. Gainera, Euskal Herri osoan 250.000 etxe huts daudela gogoratu zuten, 324 Soraluzen bertan. «Etxe hutsen parke hori optimizatu beharra dago, hartara alokairuzko etxebizitza gisa erabil baikenitzake», adierazi zuten azkenik.
|
