«Y si rompo mi camino» izena du Damba taldeak kaleratu duen lehen diskoak. Hamaika kidez osatu bandak kultur aniztasuna du ezaugarri nagusietakoa, izan ere, zortzi lagun Euskal Herrikoak badira ere, kubatar bat eta venezuelar bat ere badira, eta kantaria madrildarra da.

Jokin Muñozen «Antzararen bidea» lanak (Alberdania) eta Josu Zabaletaren «Gaueko gezurrak» itzulpenak (Alberdania/Elkar) eskuratu dituzte euskarazko literaturako eta itzulpengintzako Euskadi Sariak, hurrenez hurren. Oroitarria bigarrenez jasoko dute biek ere, azaroaren 18an Gasteizen egingo den sari banaketan. Euskadi Literatur sariek 18.000 euroko ordaina dute eta datorren urtean berrikuntzak izango omen dituzte ziurrenera.