- Idi-probak
Hiru uztarrirekin abiatuko dira Andrakasko probak
DONOSTIA
Gaur iluntzean 21.00etan abiatuko dira Andrakasko kintopekoen idi-probak. Gaurtik asteartera bitarte, igandean izan ezik, egunero izango dira saioak, eta beti 21.00etan. Gaur, bihar eta astelehenean hiruna uztarri izango dira norgehiagokan; eta azkeneko egunean, berriz, lau.
Gaur, Andrakasen, Kaieroren eta Lasaren idi pareak neurtuko dira. Bihar, Retegiren, Amalurren eta Aurrekoetxearen idi pareak arituko dira. Etzi, atseden eguna izango dute, eta astelehenean jarraituko dute. Egun horretan, Frantxillaren, Urrutiaren eta Lopategiren idiak izango dira nor baino nor. Asteartean, azkeneko egunean, Lasaren, Agerreazpi-Izetaren, Txertudiren eta Olidenen uztarriak ibiliko dira aurrekoen markak ondu nahian.
Txauson, irabazle
Errezilen amaitu berri diren probetan, Txausonen uztarria izan da irabazle. Azkeneko egunean aritu zen, eta bera izan zen, gainera, proba hauetan azkena aritu zen uztarria. Berri txarra ere izan zen, ordea, Artzadunen idia hil egin baitzen proba amaitu eta berehala.
Sailkapena
|
