BAIONA. ­ Musika ezberdinak ezagutarazteko eta talde berrien abiatzea laguntzeko, Euskal Herria Zuzenean jaialdiak autoekoitziak diren musika taldeen lehiaketa abian jarri du, bigarren urtez. Izena emateko azken eguna abenduaren 31 da eta lehiaketaren araudia www. festivala-ehz.com webgunetik deskarga daiteke. Iaz antolatu zen lehen edizioan Euskal Herriko, Akitaniako eta urrunagoko 105 taldek parte hartu zuten.

Zabalik-en liburuak, Amikuzeko mediatekan
DONAPALEU. ­ Zabalik Donapaleuko frantziskotarren etxetik kanporatua izan eta gero, elkartearen ondare den Piarres Erdozaintzi Etxart liburutegia hartzea erabaki du Amikuzeko mediatekak. Liburuak ­3.000 inguru­ kontsultatzeko ordutegi finko bat egongo da: ostiraletan, arratsaldeko hiruretatik bost eta erdiak arte