Kontseilua reclama mayor aporte presupuestario para el euskara
·Advierte a Lakua de que «una política lingüística eficaz requiere apoyo económico»
Kontseilua cree que una política lingüística eficaz requeriría al menos el 2% del presupuesto impulsado por el Gobierno de Lakua, que prevé destinar a esta cuestión sólo el 1,3%. Su secretario general, Xabier Mendiguren, denunció ayer que el proyecto «se asemeja mucho al de 2006» y el euskara «queda infravalorado si lo comparamos con la subida que han tenido otros departamentos». Kontseilua critica aspectos como la escasa clarificación de las partidas para euskaldunizar Osakidetza o la Ertzaintza, cree insuficiente la partida para los medios y resalta que no hay previsión específica para la promoción del euskara, lo que contradice algunas afirmaciones del Gobierno.
GASTEIZ
Gasteizko Gobernuak proposatu dituen aurrekontuen gainean jardun zen atzo Kontseilua, eta berriro kritika egin behar izan zuen. Izan ere, Kontseiluak, euskararen aldeko erakundeak biltzen dituenak, hizkuntzarako inbertsio handiagoa ezinbestekotzat jo zuen. Horiek hala, zifra zehatzak ere aipatu zituen. EAEko aurrekontuetan euskarak %2 behar duela nabarmendu eta oraingo egitasmoan %1,3 baino ez duela adierazi zuen. Xabier Mendigurenek honako hau jakinarazi zuen: «Hizkuntza politika eraginkorrak babes ekonomikoa behar du euskararen normalizazioan atzera egin nahi ez badu». Alde horretatik, Kontseiluak Lakuaren proposamena «atzerapausotzat» jo du. «Kultura Sailak ez du KPIren igoera izan 2006ko diru-sailarekin alderatuta», aipatu zuen Mendigurenek. Kontseiluko ordezkariak erantsi zuenez, oro har, joan den urteko aurrekontuekin alderatuta, %14ko igoera izan du aurtengoak. «Garraio Sailak %18,8ko igoera izan du; Kulturak, ordea, %2,7 besterik ez du izan». Datu horiek kontuan hartuta, «%2,7 hori ez da heldu KPIri dagokion %2,9ko igoerara». Halaber, Kontseiluak honako hau adierazi zuen: «2007ko aurrekontuek iazkoen antza handia daukate, eta aurrekoen jarraipena dela esan dezakegu». Beste alde batetik, Mendigurenen aburuz, sail batzuek izan duten igoerarekin konparatuta, beste batzuk «gutxietsita» gelditu dira. «EiTBk Kultura Saileko aurrekontuaren erdia jasotzen du, eta bi kanalen arteko desberdintasuna kontuan hartuta, gaztelania edo euskara sustatzen ari ote den zalantzan jartzekoa da», adierazi zuen Mendiguren Kontseiluko idazkari nagusiak. Horrekin batera, Ertzaintzan eta Osakidetzan abiatzekoa duten euskalduntze planari buruzko «informazio falta» salatu zuen. Hedabideetarako aurrez ikusten duten dirua eskasa dela azaldu zuen. «2007an euskararen normalizazioak behar duen sustapen ekonomikoa egiteko gure ekarpena zuzendu diegu alderdi politikoei», jakinarazi zuen Kontseiluak.
|
