IGORRE
Aurten Luis Iruarrizaga abesbatzari egokitu zaio txupinazoa jaurtitzea eta pregoia irakurtzea. Doinu politak izan ziren jaien hasieran atzo arrastian, kanta bat abesteko asmoa baitzuten 25 urte bete dituen abesbatzako kideek.Kaleko giroa ere dezente hobetu da azken urteetan, eta aurten antzeko itxura du. Izan ere, hemezortzi koadrila inguru izango dituzte kalean San Antonio jaiek, eta hori gutxi balitz bezala, badago datozen egunetan kalera ateratzeko asmoa duen beste kolektibo bat, herriko amek osatua.
Bide beretik doaz jai batzordeko kideen ahaleginak. Jaiak antolatzen ibili direnek onartu zuten aurten diru gehiago bideratu dutela eguneko ekitaldietara; izan ere, aurreko urteetan gaueko ikuskizunak indartzeko joera izan zen. Hala ere, gaueko proposamenak ez dira atzean agertzen, eta egitaraua begiratzea baino ez dago. Hurrengo egunetara begira, Sorkun, Lor edota Zea Mays taldeen kontzertuak izatekoak baitira.
Euskarak leku berezia du jaietan. Bihar Euskara Eguna dute eta hizkuntzaren inguruko ekitaldi ugari izango da. Izan ere, koadrilek euskararen olinpiar jokoetan neurtu beharko dute, eta antolatzaileek azaldu dutenez, umore rallyaren moduko ekitaldi bat izango da hainbat probarekin. Nabarmendu zutenez, jende gaztea arrasti-parteko ekitaldietara erakartzea dute helburu modu horretako ekitaldiekin, parranda gaueko plana bakarrik izan ez dadin.
Gainera, Zuztertxu maskota, euskara erabiltzearen lagun izendatu dutena, jai guztietan protagonista izango da.
Kaleko giroa berotzeko, bestalde, zortzi txosna izango dituzte San Antonio jaietan, lau plazan, eta gainerakok, Elexalde kalean.
Egitaraua
Zapatua 10
11.00etan: Kalejira txistulari eta tri- kitilariekin.
12.00etan: Koadrilen olinpiar jokoak, erreka jaitsiera.
12.00etan: Paella txapelketa, Olaba- rriko zirkuituan.
14.00etan: Paellen aurkezpena.
17.00etan: Errugbi partida. San Txis- me zelaian.
18.00etan: Koadrilen arteko altxorra- ren bila.
20.00etan: Abesbatzen kontzertuak. Elizan. Luis Iruarrizaga abesbatza, Kirikiño abesbatza (Mañaria), Coro Los Templarios (Castro Urdiales).
21.30ean: Mariachi Real Azteca. Beheko plazan.
23.00etan: Zea Mays eta Trikizio.
Domeka 11
10.00etan: Zuztertxuren kalejira tri- kitilariekin eta txistularie- kin.
12.30ean: Detraka taldearen «Txiki- glub» antzerkia. Goiko Plazan.
16.30ean: Esku pilota partidak.
17.00etan: Mus txapelketa. Goiko Plazan.
17.45ean: Euskararen olinpiar jokoak.
18.15ean: Institutuko ikasleen ber- tso eta txiste saioa.
19.00etan: Bakarrizketa umoretsua: «Zein gogorra den Gas- teizko euskaldun berria izatea». Goiko Plazan
19.30ean: Txokolatea Beinke! taldea- ren eskutik.
19.45ean: Arantzarte dantza taldea. Goiko Plazan.
20.00etan: Areto futbol txapelketaren finala.
