Haizete bortitzen abisua eman dute gaurko
DONOSTIA
Lakuako Barne Sailak emandako abisuaren arabera, gaur haizete handiak gerta daitezke; kostan 100 kilometro orduko abiadara irits daitezke eta mendialdean, 120 kilometro ordukora. Hartara, kontu handiz ibiltzeko eskatu dute. Zenbait ohar eta gomendio ere eman dituzte, esaterako, pertsianak ixtea eta landare ontziak eta haizeak arrastaka eramateko moduko objektuak barnealdean gordetzeko eskatu dute.
Era berean, arreta handiz gidatzeko, kostaldeko bideak ekiditeko eta itsasora ez ateratzeko gomendatu dute, besteren artean. Itsas kirolak inondik inora ez praktikatzeko eta zuhaitz tarteetan-eta ez ibiltzeko esan dute, ezta eraikuntza lanetan ari diren inguruetan ere. «www.euskalmet.net» webgunean haizeteen inguruko informazio zehatza jarri dute herritarren eskura.
|
