Hendaiako erlaitzaren besta izanen da bihartik aitzina
HENDAIA
Hendaiatik Zokoa arte dauden 250 hektareatan erlaitzak dituen aberastasunak jendeari ezagutarazteko asmoz, KontseiluNagusiak erlaitzaren besta lehen aldiz antolatuko du aurten. Bihar hasiko da eta hiru egun iraungo du bestak. Lehen bi egunetan, erlaitzak ingurumenean eta zientzian dituen aberastasunak hitzaldi zenbaiten bidez agerian jarriko dituzte. Igandean, berriz, Hendaia eta Zokoa arteko bidea itxiko dute, eta 250 hektarea erlaitza oinez, bizikletaz edo orgaz bisitatzen ahalko da. Bertan, animazio ugari izango da bisitarientzat. Geroari begira, besta urtero antolatzeko asmoa du Kontseilu Nagusiak.
Besta horren karietara, etorkizunean Hendaiaren eta Zokoaren artean dagoen bidea ixteko dagoen egitasmoa aipatu zuen Kontseiluak. Daniel Poulou lekuko kontseilariak eta diputatuak esan zuen erlaitzaren besta horren bidez, herritarrei lekuaren berezitasuna azaldu nahi zietela, eta, era berean, bidea itxita, lehen ikuspegia eman.
|
