Zinebiklub film laburren programazioa, ikusgai Bilbon
BILBO
Zinebiklub film laburren programazioa eskainiko dute gaurtik martxoaren 29ra bitartean Bilboko Abandoko udaltegian, 2006ko martxoan abiatutako zinema alternatiboari buruzko asteroko foroari jarraipena emateko. Bilboko Udaleko Kultura eta Euskara Sailaren ekimena da, Bilboko Zinema Dokumental eta Film Laburren Nazioarteko Jaialdiaren (Zinebi) laguntzaz sortua.Hamar saio eskainiko dituzte orotara ostegunero, 19.30ean eta doan. Urteko lehen hiruhilekoan, zinemazaleek beta izango dute 48. Zinebiko nazioarteko lehiake- tan eta “Euskal zein espainiar informazioa” ataletan parte hartu duten filmak ikusteko. Mundu osoan egindako obrak dira, eta errealizadore gazteek gaien inguruan estiloari buruzko ardurak eta beren kezka etiko eta estetikoak adierazten dituzte, «osotasunean egun ikus daitekeen zinemarik konprometituena eta abangoardistena ordezkatuz». Adibidez, Euskal Zinemaren atalean hauek ikus daitezke: Victor Garciaren “El verano español” 48. Euskal Zinemaren sari nagusia; Luiso Berdejoren “For(r)est in the des(s)ert” Zine Klub Fas saria; Enrique Garcia eta Raquel Ajofrin-en “Perpetuum mobile”; eta Javier Garciaren “Vegetables”. Azken bi horiek SGAE sariak eta Euskal Herriko Gidoilarien Elkarteko sariak eskuratu zituzten.
|
