IRUÑEA
Nafarroako lurraldea berriz ere militarren ariketak egiteko erabili dutela salatu berri du Askatasunak. Bizilagunak Artederreta (Carrascal)mendiaren inguruko militarren jardueraren lekuko izan dira aste honetan. Erakundeak inguru horretan kaserna edo kuartel bat dagoela ekarri du gogora, nahiz eta eta aspaldian eraikin horren erabilera oso eskasa omen den. Guardia Zibila ere han barrena ibili dela aipatu du Askatasunak. Dirudienez, «ariketei babesa emateko» bertaratu zen Artederretara.
Aste honetan bertan, Sesma Nafarroako herrian gertatutako helikoptero istripua ere aipatu dute, eta indar armatu horrek lurralde horretan duen presentzia nabamendu.
Askatasuneko kideen ustez, horrelako ekintzak arriskutsuak dira, eta «euskal gizartearen borondateari errespetua» erakusten ez zaiola agerian uzten dute. Azken hori azaltzeko, Euskal Herriak Armadak ordezkatzen dituen balioak behin eta berriz errefusatu dituela esan dute. Hori dela- eta, Estatu espainolaren jokaera argi eta garbi ikusi dela adierazi dute: «Lurraldearen batasuna mantentzeko dituzten tresnak armak eta soldaduak dira».
Askatasunak egindako azterketan, mota horretako ariketak euskal gizartearentzat «mehatxua» direla salatu zuen, eta kideen hitzetan, egoera horretan «esku-sartze eta mehatxu guztiak Armadarena barne eten beharko dira». Haien ustez, prozesu demokratikoa prestatzeko ezinbestekoa da hori.
Lan horretan indar guztiak biltzeko konpromisoa hartu du erakundeak.
