Hendaian hildako langilearen heriotza salatu dute
·ELAk eta LABek elkarretaratze bana egin zuten langile hondarribiarraren istripua arbuiatzeko
HENDAIA
Herenegun Iñigo Ezeiza Hendaiako tren geltokian lanean ari zen hondarribiarraren heriotza eragin zuen lan-istripua salatzearren, bi elkarretaratze izan ziren, atzo, Hendaian. Goizean, ELA sindikatuak egin zuen protesta; eta, arratsaldean, berriz, beste bat egin zuen LABek Santiago zubian. Segurtasun-neurri ezarengatik haserrea adierazi, eta LABek gogorki salatu zuen, ostegunekoa ez dela Hendaiako tren-geltokiko eremu horretan gertatzen den lehen istripua.
Astelehenean, Barakaldon
Egun berean zendutako beste langile baten lan istripua salatzeko, SOS Ezkerraldeak elkarretaratzera deitu du datorren astelehenerako, arratsaldeko bostetarako, Barakaldoko Bide Onera plazan.37 urteko L.M. Colasek ere buruan kolpe handia jaso zuen urtarrilaren 22an jatetxe batean hozkailu bat konpontzen ari zela, eta koman egon ostean, asteazkenean hil zen.
|
