«Apartheid»a salatzeagatik, epaituta
GASTEIZ
«Apartheid»aren kontra iazko abuztuaren 4an, Gasteizko jaien txupinazoan, hain zuzen ere, Jose Antonio Alonso alkatearen aurrean «Ez apartheid» kartelarekin jartzen saiatu zen herritarra atzo epaitu zuten «ordenu publikoaren kontrako delitu» batengatik eta «kalte huts egitea» leporatuz. Gasteiz Izanek epaiketa hori eta Poliziak egun horretan izan zuen jarrera salatu zituen.
«Erabat lekuz kanpokokoa izan zen. Kolpatu eta arrastaka eraman zuten. Erabilitako bortizkeria hori ez zetorren bat protestaren izaera baketsuarekin», adierazi zuen plataformak. Oraindik ere, «apartheid»a dagoela nabarmendu zuen.
|
