Alemanian aurkeztu dute Anoetako proposamena
BERLIN
«Orain herria, orain bakea» proposamena Alemaniako Legebiltzarrera iritsi da aste honetan. Hainbat eragile politiko eta sozialekin bildu ostean, Batasuneko ordezkaritza Bundestageko Giza Eskubideen eta Nazioarteko batzordeetako kide nahiz Die Linke-PDS talde politikoko parlamentari Michael Leutertekin bildu zen.
Euskal Herrian gaur egun bizi den egoera azaldu ondoren, Anoetako proposamenaz mintzatu ziren. Testuinguru ho- rretan, 2004ko azarotik hona gatazkaren konponbidean emandako «urratsak» plazaratu zituen Batasunak. Era berean, Europako Parlamentuan osatu berri den friendship-i (laguntza taldeari) buruzko informazioa banatu zioten. Horrez gain, Berlingo ezkerreko beste eragile batzuekin elkartu da indar abertzalea. Urtea hasi zenetik, Mexikon, Finlandian, Irlandan eta Cuban egon da Batasuna «Orain herria, orain bakea» aurkezten.
|
