Erreferendumak egiteko eskumena eskatu du Madrazok Lakuarentzat
·Gatazka politikoa gainditzeko gakoa herri kontsultan kokatu zuen EBko koordinatzaile nagusiak
BILBO
Gatazka politikoa gainditzeko gakoa euskal gizarteari erabakitzeko dagokion eskubidea onartzea delakoan, EBren koordinatzaile nagusi Javier Madrazok dei egin zion Gobernu espainolari erreferendumak eta herri kontsultak egiteko eskumenak Lakuako Gobernuari transferitzeko.Madrazoren ustez, eskaera hori bat dator Konstituzio espainolarekin, eta «sentsibilitate guztiek onar dezakete». «Erabakitzeko eskubidea onartzeak ez dakar berekin ETAren aurrean men egiterik, demokrazian sakontzea delako», nabarmendu zuen Madrazok, eta erabakitzeko eskubi-dea arlo ekonomiko eta sozia- lera ere hedatu behar dela gaineratu zuen.
«Itxaropena eta ezinegona»
«Une itxaropentsuak bizi ditugu, epe laburrean bakea eta normalizazio politikoa lortzeko aukera baitago, baina, une berean, ezinegonaren eta ziurtasunik ezaren aurrean gaude, estortsioa eta kale borroka direla medio, baita PSOEk ez duelako erabakitzeko eskubidea onartzeko asmorik ere», esan zuen EBren buruak.
|
