Gaur egungo egoera ekonomikoaren aurrean ekonomialari eta politikari neoliberalek defendatzen dituzten ideiak hankaz gora jartzen dituzte artikulu honen egileek: enplegu osoa lortzeko soldatak murriztu behar direla, lan-merkatuan erabateko malgutasuna ezarri behar dela, langabeei diru-laguntzak kendu behar zaizkiela... Eta horien guztien kontra, bestelako neurriak aldarrikatzen dituzte: finantza-errenten abantailak amaitu, politika deflazionistak ordezkatu, enpresa handien neurriz kanpoko eragina moztu, lanaldia murriztuz enplegua bultzatu, besteak beste.