«G Puntua» lelopean aurkeztu dute Gipuzkoako Bertsolari Txapelketa, irailaren 22an hasiko dena. Helburua, antolatzaileen esanetan, herrialdeko «oinarriaren erakustaldia» egitea da. Edizio honetan, gainera, ez du 2003ko irabazleak, Maialen Lujanbiok, parte hartuko.

Eibarko kantari eta poetak bigarren olerki liburua kaleratu berri du. Paisaia surrealista bat osatu du bertan, «iraganeko sentimendu nahasiak azaltzeko», eta «gizaki hauskor eta kontraesankor bati» eman dio hitza.